الحــــــــــــرف
ياليت ان الزمن يرجـع ورى ولا الليــالي تدور
ويرجع وقتنا الأول وننعم في بساطتنـــــــا
زمـان اول احـس انه زمـانًًًًٍٍ فيه صـدق شــعـور
نحب ونخلـص النيه.. وتجمـعنـا محـبتنــــــا
زمـن ما فيه لا غيـبـه.. ولا حتى نفــــاق وزور
ياليته بس لو يرجـع ونسـترجع طفولتنـــــــا
صـغار قلوبنا بيضـا..نعيش بعالمٍ محـصــــــور
ولا نعرف ابد اغراب ما غير عيال حارتنــــــا
صـحيح صـغار فالتفكير لكن ماعـلينا قـصـور
نخطط نكسر اللعبه.. وتسعدنا شقاوتنــــــا
نروح المدرسـه بدري ..ونضـحك داخل الطابور
نحاول نزعج العالم في روحتنا وجيتنــــــا
وعشـان نأخر الحـصـه.. نخبي علبة الطبشـور
نشــاغــب بس فالآخـر.. تميـزنا برائتـنــــــا
نحب الضحـك والهيصـه.. نحب انط فوق السـور
نفرفش.. ليه مانفرفش مدام الضحك عادتنـــا
ولكن دارت الأيـام.. وبان الخافي المـســـــتور
وصـار الهـم متعلي على قمة سـعـادتنـــــا
كبرناوصـارت الدنيا تصــف أحـزاننا بالــــدور
وتهدينا الألم والهم غصب عن عين رغـبتنـا
تعبنا من بلاوينا ..أحد ضايق وأحد مقهــــــور
وكلٍ غارق بهـمـه.. وفالآخــر تشـتـتـنــــا
وانا ما أقـول غـير الا حلالاه الزمـان يــــــدور
ويرجع للورى فتره.. نعّدل وضـع عيشـتنا
الخميس أبريل 10, 2008 4:32 pm
